關島註冊結婚 + 婚禮 Guam wedding in St. Laguna Chapel

人人都話整blog, 我都整番個先!

基本上係冇構思過因為恆久以來都係諗住旅行結婚。 咁 …… d 人就會問喇 , "點解遲唔結, 早唔結, 呢個時候突然結嘅 ~ ~ ?" "因為大家都想結囉 ! 仲有就係 , 大家都想去旅行囉 !"

順帶一提: 我地本來係想去日本註冊嘅, 因為有好多地方想去 ( 我地鍾意玩近郊小鎮), 仲可以探日本朋友。 但無奈日本註冊 , 香港係唔成認嘅 , 所以 band 左。 其次係 Maldives (馬已代呼 ), 因為想住 水上屋 ( 崩 o架 爐), 當然 , 香港都係唔承認 ……

由此可見我地嘅出發點係: " 旅行"!

其實 , 早喺5 月中已經 download 左 d package單張落黎可惜同期很忙未得閒睇過。 到 Print 出黎兩個人一齊研究嘅時候已經係 6月 9 號個weekend。 經過兩日嘅思考, 星期日晚達成共識星期一我打電話去旅行社問旅行社星期四覆有位星期五上埋旅行社比錢confirm。 跟住 11 號個禮拜一齊上過金都一次睇婚紗跟住佢買左大量日文結婚雜誌自己睇攞個 idea 咩婚紗靚跟住 19 號佢約左個有 fashion sense 嘅朋友佢地兩個自己睇同日決定埋比埋錢, 我事後睇過件婚紗當然係靚在此特別鳴謝該名友人。

籌備兩星期, 完畢。

事故一樁 :

構思籌備 , 完全冇問過公司任何人意見, 除左一名闊太。. 但一問之下, 佢竟然同期都係去關島 ! 我 join 個 package, 係所有package 中, 唯一一個唔包 證婚人的。 本來諗住搵攝影師或其他遊客, 衣家又煩少樣。

世事確實叫人“嘖嘖稱奇”……

未出發 (已出發)

打字慢, 自己睇相, 番黎後有。 (已番黎)

Photo 1 - 5 係上網是旦 download 番黎. 香港人嘅本能令我好懷疑去度實景係咪真係咁靚呀? 點知去到, 係仲靚過睇相...

Photo 6 開始係我地, 自己睇吧!